बृहत् सभामा अध्यक्ष प्रचण्डलगायत माओवादीका शीर्ष नेताहरू
Posted by samaya on February 15, 2007
विद्रोहको बाह्राैं वर्षगाँठका अवसरमा माओवादीले अध्यक्ष्ा प्रचण्डसहित प्रमुख नेताहरूको उपस्थितिमा राजधानीमा पहिलोपटक जनप्रदर्शन र सार्वजनिक सभा गरेको हो । सभामा हजारौं सहभागी थिएमाओवादीले सशस्त्र संघर्षबाट केन्द्रीय सत्ता कब्जा गरी नयाँ जनवादी राज्यसत्ता स्थापना गर्न २०५२ फागुन १ गतेबाट जनयुद्ध सुरु गरेको थियो । एघार वर्ष लामो सशस्त्र विद्रोहपछि शान्तिपूर्ण वार्तामा आएको माओवादी अन्तरिम संविधानको घोषणापछि तेस्रो ठूलो राजनीतिक शक्तिका रूपमा अन्तरिम व्यवस्थापिकामा प्रवेश गरेको छ ।
बिहान १० बजेदेखि चक्रपथका १० ठाउँबाट झाँकीसहित सुरु भएको जुलुस खुलामञ्च प्रवेश गरेको थियो । झाँकी, जुलुसका कारण निर्धारित समयभन्दा केही समय कार्यक्रम ढिला भएको थियो । प्रचण्डसहित केन्द्रीय नेतृत्वको टोली निर्धारित समय तालिकाअनुसार दिउँसो १ बजे नै मञ्चमा पुगेका थिए ।
उनीहरू त्यहाँ पुग्दा माओवादीको युवा संगठन कम्युनिस्ट लिग -वाईसीएल) का टोलीले लालसलाम अर्पण गरेको थियो । प्रचण्डलाई मञ्चमा आउने बेला उद्घोषकले ‘ क. प्रचण्ड लालसलाम’ भनेर नारा लगाएका थिए ।
